好感動呀！

今日一早8點8去到九龍塘等埋成班同事出席一年一度o既基督教幼師聯校退修日，好攪笑：我唸如果請返永光o既舉手，應該有一大籮。(撞口撞面都係永光人)
整體內容都算唔錯，不過有d parts就好鬼死悶，話雖如此，有一位家長o既分享卻令我感動非常：佢有2個仔，老公o係細果個仔─朗朗7個月大時因得血癌死o左，而朗朗亦o係K2 o既時候被發現o係兩邊小腦中間生o左個瘤(仲係惡性果種，即cancer)，媽媽當然痛苦難堪，但朗朗對上帝不息的信心 ，令媽媽亦由埋怨、質疑神變成感恩和信靠。
感謝神！讓我能見證試煉和恩典的一課......