不知怎說的一天

今日係主日聖餐崇拜，當中很感謝神o既同在同恩典，
要努力回報上帝o既厚愛先至得！
晏晝冇乜活動，係不折不扣o既大組生活，
去o左聯合道睇d永光cell員打波比賽......

夜晚約o左亞咕，因為幾日都冇見同通電，所以滿心期待~
跟住佢話應承o左阿Lo" 鄧"腳踢波比賽，
o係我屋企食完飯就上番佢屋企?衫
再搭的落彩虹道睇佢踢波。
之後我o地兩個去o左許留山食「芒果奇冰」同楊枝甘露，
然後我又覺得唔夠喉去o左食蠔餅，
不過覺得冇以前o係中學時幫襯咁好食。

跟住我同阿咕o係屋企附近傾o左好耐計，
佢呢排好唔開心(無論o係唔同方面都唔順心)。
我覺得自己唔係一個咁好o既女朋友，
以前以為自己善解人意(太自以為是喇！)。
但宜家發覺好多時都唔識關心、顧及同開解倒
一個對我很重要o既人o既感受，很差勁~_~
懇求上主幫助、塑造我！

但最差o既不止於此，阿咕因為太夜太累就搭的士，
之後唔小心漏o左部電話o係的士上面，
就俾拾遺不報o既的士司機就咁"螺"o左，覺得佢實在太可惡喇！！！
但又唸：可能佢o既家庭狀況比阿咕更慘，
部電話換番o黎o既$可以俾屋企食好耐......
但話雖如此，講番轉頭......佢始終究竟都係唔o岩！

之後，阿咕唔開心o左好耐(我唸呢d就係屋漏偏逢連夜雨)，
我都一樣覺得唔開心......
「上帝，你想我o地學習d乜野呀？」